Archives pour la catégorie Libre, C.D., …

Li Libre de Grabié CASSIN

LI LIBRE DE GRABIÉ CASSIN

 

Grabié Cassin, l’ami Cassin, l’ai tourna-rescountra l’autre jour, au Cèntre Bourso, au Carra dis Escrivan dóu Coumitat dóu Vièi Marsiho. E me siéu di que fasié mestié de vous faire la tiero di siéu libre que se podon enca croumpa, e subre-tout, de vous parla d’ùni d’aquélis oubrage bord que pas poussible de vous parla de tóuti.

 

Communautés Juives – Ouest Méditerranée

Li « Juifs du Pape » en Avignoun, dins lou Coumtat Veneissin, e dins Prouvènço touto, Grabié Cassin li retrais au travès dóu noum d’oustau de Cassin cinq siècle de longo. L’istòri coumenço en 1298. Au travès dóu noum d’oustau « Cassin », es touto la vido-vidanto di jusiéu d’aquéli cantoun que se pòu vèire.

Prouvènço es visajado coume la « Terre du dernier asile » pèr li jusiéu coucha de tóuti lis àutri reiaume d’Éuropo. La Papauta dins si terro d’Avignoun e dóu Coumtat Veneissin aculiguè e aparè li « Juifs du Pape » emé si rite, si fèsto, si tradicioun.

En mai dóu dre coumun, li jusiéu avien de privilège e un defensour óuficiau. Seguissien li lèi siéuno dins si coumunauta, avien la liberta de culte.

De segur, a pas rèn de vèire emé li proublèmo, li counversioun óublijado qu’impausavon i coumunauta jusivo dins lis àutri regioun d’Éuropo.

44 carto e tablèu coulour, 74 en negre e blanc.

 

 

René Cassin

Estrange, nàni ? l’astrado d’aquéu Pres Nobel de la Pas, rèire-coumbatènt de la Guerro de 14-18 que, tre la debuto de jun 40, se troubè à Loundre pròchi lou Generau de Gaulle, dins sa lucho.

Vaqui l’ome que nous mostro Grabié Cassin, lou que, un cop la guerro acabado, se bateguè pèr la creacioun de l’UNESCO à Paris. Lou que fuguè, pièi, un dis autour de la Declaracioun Universalo di Dre de l’Ome, adóutado pèr l’ONU en 1948.

474 p., 155 x 220, 24 reprouducioun coulour, 54 carto en negre e blanc.

 

TITRE

PRES

MANDADIS

Francisque et Croix de Lorraine

474 p., 15 x 22

20 €

0 €

La Papauté en France Méridionale

474 p., 15 x 22

20 €

0 €

René Cassin, Prix Nobel de la Paix

474 p., 155 x 220

20 €

0 €

Marseille à travers les siècles

492 p., 15 x 22

20 €

0 €

Communautés Juives-Ouest Méditerranée

44 carto coulour, 64 negre-blanc

30 €

5 €

Provence, Nice, Languedoc, Roussillon

35 €

5 €

 

Chèque au noum de :

Gabriel Cassin

Résidence Calypso – C

6 rue Albert-Dubout

13008 MARSEILLE

Communautés Juives – Ouest Méditerranée e René Cassin, dous oubrage – doucumentàri que vous fara gau de legi !

Oudilo Delmas

memòri de prouvènço : jc vianés

MEMÒRI DE PROUVÈNÇO À MOUIÈS : JAN-CALENDAU VIANÉS

Dimenche 26 de jun, l’après-dina, bono-di l’ajudo dóu municipe e de soun premié conse, Mèste Pèire SANTOIRE, an pausa uno lauso à la memòri de l’escrivan prouvençau Jan-Calendau Vianés, sus ço que fuguè l’intrado de soun oustau, dins soun vilajoun de Mouriés (li gènt d’aqui dison Mouiés).

Fau dire que tout aquest relarg proche lis Aupiho es un endré astru pèr li Letro Prouvençalo bord que lou grand pouèto Mas-Felipe Delavouët restavo pas liuen d’aqui, à Grans.

Après la pauso de la lauso, lou Cèntre Culturau de Mouriés veguè la presentacioun dóu recuei de tèste de Jan-Calendau Vianés, Au mirau de l’Eternita.

Poudès croumpa aquéu libre de 235 pajo, 15 € vers lis Edicioun Terriciae, 13 carriero d’Aubagno – 13890 Mouriés. Tel. : 04.90.47.61.88.