Archives pour la catégorie Tiatre

LA PASTOURALO MAUREL LA MAI AUTENTICO

LA PASTOURALO MAUREL LA MAI AUTENTICO

 

Despièi d’annado, quant n’ai rescountra, de troupo de pastouralié ! De bono e bèn vestido, de couneigudo, d’ùni que sis atour ié prenien plasé… osco-seguro, mai sènso jamai « touca » en ço qu’Antòni Maurel e l’abat Julien avien pantaia : lou testimòni simple e founs dóu pople prouvençau e catouli, caminant vers Betelèm, au rescontre de l’Enfant divin.

 

Basto, la Pastouralo Maurel autentico, la cercave… e quau vous ai pas di que l’ai troubado, aqueste dimenche 22 de janvié ! Es à Sant Chamas que lei vièi Pastourèu de Miramas avien planta soun decor. Aqui, n’ai vist, d’ome, de femo, d’ancian – n’en fau, segur, pèr jouga d’ùni role – de jouine emai d’enfant, un gros trentenau, tóuti recampa souto la bandiero de Prouvènço.

 

T’avien un d’aquéli biais, Legèire, que t’aurié agrada ! Aqui, t’avien de voio ; aqui, t’avien pas tranca la mita d’aquelo Maurel tant sabourouso : èro la Maurel au-ten-ti-co ! aqui, tóuti coumuniavon dins uno memo Fe. La de noste Pople.

 

Oudilo Delmas

Voulès counvida li vièi Pastourèu de Miramas pèr veni jouga la Pastouralo Maurel dins voste endré ? Avès que de manda uno telefounado vers Alan Broudard, au 04.90.58.49.19.

_________________________________________________________________________