Universita Poupulàri Prouvençalo d’Alau, dissate 14 d’abriéu

Aubert CAMUS, PRÈMI NOBEL DE LITERATURO

 E

 Jan-Pèire TENNEVIN, ESCRIVAN DE LENGO PROUVENÇALO

 

Dissate 14 d’abriéu de 2018, à 3 ouro de l’après-dina, se debanara uno sesiho de l’Universita Poupulàri Prouvençalo d’Alau.

 Oudilo DELMAS, ourganisarello de l’Universita Poupulàri Prouvençalo, Dóutour en letro, ensignarello à l’Universita d’Avignoun e di Païs de Vau-cluso fara un paralèle entre Aubert CAMUS, Prèmi Nobel de literaturo e Jan-Pèire TENNEVIN, un di mèstre de la literaturo de lengo prouvençalo dóu siècle 20en.

 La Peste, rouman coumença tre 1941, Camus l’escriguè dóu tèms de la guerro. Èro intra en resistènci e fasié de rensignamen pèr lou maiun Coumbat. Animavo, tambèn, lou journau clandestin dóu meme noum.

 Coume Camus l’escrira de tèms après, dins uno letro à Rouland Barthes, La Peste es uno metaforo dóu nazisme, dóu mau que lou fau coumbatre.

 Jan-Pèire Tennevin, pèr quant à-n’éu, dins sa pèço de tiatre en prouvençau marsihés, La Countagien, emplego la memo metaforo que Camus pèr parla dóu mau, la Countagioun, la pèsto.

 Em’Oudilo Delmas, estudiaren lis atitudo – semblablo o despariero – qu’adóuton l’Aubert Camus de La Peste e lou Jan-Pèire Tennevin de La Countagien.

______________________________________________________________________________________________________________________________________________________

 

Contacter OrangeBoutique en ligneForum